BIBLIOGRAPHIA DE FEDERICO KRUTWIG

Nota: Il non ha essite facile reunir le bibliographia que nos vos presenta hic. Per un latere, perque Krutwig ha signate, ultra su ver nomine, con plure pseudonymos (Fernando Sarrailh de Ihartza, Heiko Sagredo de Ihartza, Mendiguri, Honeto de Garralde, L. Fernández, G. De Zúñiga, Aristôn Ammôn, anonymo...) e per altere latere, perque su obra sta disseminate in revistas, magazines, periodicos, et cetera.

Dunque, iste essayo de compilation que nos ha facite hic non es de ulle maniera presentate como un bibliographia complete, pois sovente on trova hic e illac scriptos de Krutwig.

Comocunque, nos ha partite ab le bibliographia, basate in le bibliotheca de Josu Lavin, preparate per le Institution Cultural Bidebarrieta de Bilbao in le anno 1997.